A Guarda conta con catro novas pistas de petanca no antigo campo de fútbol do Codesal

A intervención realizada no antigo campo de fútbol do Codesal permitiu dotar a este espazo de novos campos de deporte de praia, tales como fútbol, balonmán e volei, ademáis de catro novas pistas de petanca, unha delas accesible a persoas con mobilidade reducida. Trátase dun deporte minoritario na localidade mais, grazas ao labor divulgativo realizado por Andrés Mirás, conta na actualidade cun importante número de afeccionados.

A actuación foi financiada polo Concello da Guarda e a Entidade Local Menor de Camposancos, e completarase proximamente coa instalación de bancos e plantación dalgunhas árbores no entorno.