Información para os usuarios do porto e o público no espectáculo pirotécnico das Festas do Monte

Con motivo da celebración das Festas do Monte 2017 e do espectáculo pirotécnico que terá lugar no recinto portuario o próximo martes 15 de agosto, o Concello da Guarda aconsella atender á información de interese para os usuarios do recinto portuario e ás recomendacións para o público que esa noite se achegue ó porto, a fin de que todos e todas poidamos gozar do espectáculo nas mellores condicións.

Así, entre outras medidas de prevención, durante a tarde e a noite do martes quedará prohibido o acceso ó espigón norte e a navegación e o fondeo polo recinto portuario dentro da zona de seguridade habilitada. Así mesmo, limitaranse as entradas e saídas de embarcacións ao mínimo e imprescindible.

Amais de acudir cun tempo de antelación mínimo aconsellado de 45 minutos, aquelas persoas que se acheguen ó porto na última noite da Festa do Monte, haberán de atender ás instruccións do persoal de seguridade e a organización do evento, que aconsellan non aproximarse o lugar onde se tiran os fogos de artificio, sendo a distancia aconsellable uns 400 metros. Para aquelas persoas que acudan con nenos, recoméndase posicionarse na zona do paseo marítimo, onde a balaustrada e as defensas garanten a seguridade e comodidade das familias.

Para coñecer todas as recomendacións para o público e a información de interese para os usuarios do recinto portuario, compre ler detidamente os arquivos anexos, nos que se achegan os mapas orientativos coas zonas de seguridade sinaladas, así como as zonas aconselladas de aparcamento e puntos de atención sanitaria en caso de incidente.