Os integrantes do Centro de Saúde Mental Avelaiña da Guarda aprenden a compostar

O pasado martes día  11  de abril o Centro de Saúde Mental Avelíña da Guarda acolleu unha unha charla sobre compostaxe dirixida aos usuarios e traballadores do centro a cargo da  Mestra Composteira municipal ,Tamara Otero Domínguez.

Esta figura, Mestra Composteira, é froito da colaboración entre Deputación de Pontevedra e o Concello da Guarda  que está adherido ao Plan Revitaliza do ente provincial.

A charla centrouse sobre todo no proceso da compostaxe e na correcta clasificación dos residuos que van ós contedores de reciclaxe que hai na vila, cabe destacar que foi unha xornada onde os integrantes do centro puideron ver como se monta un composteiro, os  procesos do compost  e a fauna que intervén no proceso ademais de ver como se produce o proceso do cribado.

Esta charla tivo un total acollemento onde os integrantes do centro estiveron moi participativos e puideron resolver as  súa dúbidas que puideran ter en esta materia.

O Concello quere destacar que é moi importante a participación de toda a sociedade na correcta xestión do lixo.

O 50%  dos residuos que xeramos son materia orgánica. Se compostamos os restos de comida, podas e xardíns evitamos emisisóns de CO2, ademais de gastos innecesarios de transporte na recollida e depósito na pranta de transferencia de lixo, co conseguinte aforro económico e axuda a reducir a pegada ecolóxica .