Recepción oficial aos equipos participantes no torneo de balonmán Summer Bag Experience

O Concello da Guarda realizou na mañá deste mércores día 22 de agosto unha recepción oficial na Casa dos Alonsos aos 4 equipos participantes no torneo de balonmán feminino Summer Bag Experiencie que comezou no día de onte no Pavillón Municipal da Sangriña.

Máis de 80 xogadoras da DHP, pertencentes aos equipos Mecalia Atl. Guardés, Super Amara Bera Bera, Aula Alimentos Valladolid e Helvetia Bm. Alcobendas, foron recibidas da man do Concelleiro de Deportes, Xavier Crespo, a Concelleira de Turismo, Montserrat Magallanes e tamén por parte do Presidente do Mecalia Atl. Guardés, José Manuel Silva.

Cada un dos equipos participantes recibiu un agasallo por parte do Concello da Guarda, realizando tamén unha fotografía de grupo con todos os participantes nesta recepción oficial.

As xogadoras e equipos técnicos e deportivos participaron tamén ao longo desta xornada nunha visita guiada pola técnica de Turismo do Concello aos lugares de maior importancia turística do municipio, coma a Citania de Santa Trega e as escavacións do Poboado de Mergelina.