Educadora familiar

O Programa de educación familiar (PEF) é un servizo municipal de apoio educativo e psicosocial dirixido ás familias para favorecer o cumprimento das súas necesidades, o seu benestar e plena participación na comunidade. Este programa pretende detectar e anticiparse ás situacións de dificultade social, promovendo procesos de cambio e dotando ás familias das competencias necesarias para un axeitado exercicio das funcións familiares, facilitando procesos de autonomía, responsabilidade e participación social.

Neste programa traballa unha educadora familiar especializada no traballo con familias que forma parte do equipo de servizos sociais do concello.

• A todas as familias.
• A centros educativos, centro de saúde, outros servizos comunitarios…

• Orientamos e apoiamos ás familias: abordando temas do seu interese: límites e normas cos fillos e fillas, autoestima e seguridade para a abordaxe de diferentes situacións, modelos de resolución de problemas, como mellorar as relacións familiares, sobre recursos educativos e de apoio para a conciliación da vida laboral e familiar,etc. En definitiva, promovendo as competencias das familias e potenciando un desenvolvemento óptimo da vida familiar e social.

• Mediamos e acompañamos ás familias para que participen dos diferentes recursos comunitarios, coordinando actuacións con:

• os recursos e servizos do concello (OMIX,  ADL, CIM, centros educativos, sanitarios, asociacións, etc.), traballando en coordinación cos distintos departamentos municipais, motivando a participación e o compromiso dos diferentes axentes na mellora dos problemas sociais e do benestar das familias,

• e con outros recursos especializados, que interveñen nalgún aspecto da vida das familias, para favorecer unha resposta integral. Como son os gabinetes de orientación familiar, os equipos técnicos do menor, os puntos de encontro familiar, etc.

• Realizamos actividades grupais coas familias tratando temas como: promoción de hábitos saudables, habilidades sociais e comunicativas, pautas para educar ós fillos/as, educación afectivo-sexual, gozo do tempo libre en familia, educación en igualdade, etc.

Basicamente se traballa coa familia dende o acompañamento, a través dunha relación de axuda, de forma moi próxima, tanto con entrevistas na oficina como con visitas domiciliarias ou acompañamentos.

As intervencións coas familias reciben, na actualidade, unha atención integral xa que contamos cun equipo interdisciplinar formado pola traballadora social dos servizos sociais comunitarios, unha educadora familiar e un psicólogo especialista en terapia familiar e atención a adolescentes, que traballan de forma coordinada. Polo tanto a metodoloxía de traballo se realiza de forma coordinada aproveitando os diferentes recursos municipais e comunitarios.

Con cada familia se elabora un proxecto de intervención que establece unha diagnose individual de cada núcleo familiar obxecto da intervención, así como a planificación de actuacións encamiñadas á superación da situación que se presenta.
Os proxectos recollen actuacións nas áreas de: funcións, roles e responsabilidades das familias, habilidades e competencias parenterais, educación para a saúde e afectivo-sexual, formación para o emprego, seguimento escolar e prevención do absentismo escolar, vivenda, etc. acordes coa diagnose realizada de cada núcleo familiar.

Esta intervención familiar ten un carácter continuado co fin de acadar os obxectivos propostos, e deste xeito dotar a familia de suficiente competencia para que acade a súa plena autonomía na solución de problemas de cara ao futuro e a súa participación social.