TOCAMÚSICA SAE Á RÚA: unha nova programación que levará música e diversión a moitos e diversos rincóns da Guarda

Este mes de maio sae á luz un ciclo de concertos que procura levar música ata ás prazas e recunchos da nosa vila. O programa leva por nome TOCAMÚSICA, tendo en mente marcar na axenda un evento divertido, onde a música é a protagonista e no que compartir un espazo público e un momento de ocio con amigas e amigos será algo importante nos nosos calendarios sociais.

A programación arrancará o día 25 de maio cunha sesión vermut na Praza Avelino Vicente ás 12:30 coa actuación de AcevedosDelgados: grupo baixomiñoto que conta cun repertorio moi diverso con temas propios e versións.

O calendario de actuacións continuará do seguinte xeito:

• DJ DIEGO MARIÑO XUÑO – VENRES 7 ÁS 23 HORAS NA ALAMEDA
• CASTRO Y LOS ESCOLTAS XUÑO – SÁBADO 22 ÁS 22 HORAS NA PRAZA DO RELÓ
• LITUS XULLO – XOVES 11 ÁS 22 HORAS NA RÚA VICENTE SOBRINO
• PACHECO BROS XULLO- XOVES 25 ÁS 22 HORAS NA RÚA DO PORTO
• STEWART E GUILLE – SETEMBRO DOMINGO 1 ÁS 12:30 RÚA CONCEPCIÓN ARENAL ESQUINA PARQUE INFANTIL

Dar resposta a moitos e diversos públicos e dinamizar ás rúas é o que se pretende con esta programación tan variada e chea de múltiples facetas. Como valor engadido o Concello da Guarda conta tanto con artistas locais e da comarca, como tamén de fóra da nosa contorna, tratando de ofertar algo diferente para quen se queira achegar. Todo este programa conta co apoio do Plan + Provincia.

Así que recordade, a partir de este mes e ata setembro: TocaMúsica.