XI Gala do Deporte: a gran festa do deporte guardés celebrarase o 23 de febreiro no Centro Cultural

A gran festa do deporte guardés celebrarase  o vindeiro venres, 23 de febreiro, coa celebración da XI Gala do Deporte. No evento recoñeceranse os logros e méritos deportivos acadados durante o pasado ano polos deportistas, os clubs e as entidades deportivas do municipio, poñendo así en valor o traballo das numerosas persoas que forman parte do ámbito deportivo local.

Á gala, que comezará ás 20:30 horas no Centro Cultural, será conducida polo xornalista Terio Carrera, acompañado pola actriz Beatriz Campos. A capitana do Mecalia Atlético Guardés, Estela Doiro, amadriñará o evento deportivo, ao que están convidadas todas as asociacións, clubs e deportistas individuais da Guarda, así como todas aquelas pesoas que desexen achegarse e participar na xornada de celebración e xuntanza do deporte municipal.