Máis de 70 persoas rematan a XXII Travesía a Nado no Porto da Guarda

A vixésimo segunda edición da Travesía a nado no Porto da Guarda arrancou o sábado 1 de xullo con 115 personas inscritas para as dous percorridos da proba, de entre os que finalmente 77 conseguiron rematar o traxecto polo interior do porto guardés.

O alcalde do Concello da Guarda, Antonio Lomba, deu a orde de saída da proba, que se dividiu en dúas categorías. A primeira delas, con 400 metros de percorrido, deu oportunidade de participación as nenas e nenos de até 12 anos. Dos seis participantes que conseguiron rematar, a gañadora foi Sara Tajes Lede, de 9 anos e membro do Clube de Natación Galáctico. Pouco despois, alcanzaba a meta o seu compañeiro de equipo, Nicolás Vázquez Fernández, de 11 anos; e nun terceiro lugar, Naiara Eijo Gil, do Clube de Natación de Redondela.

O segundo percorrido contou con participantes masculinos e femininos de entre 12 e 68 anos, cun traxecto de 1.600 metros polo interior do porto guardés. O primeiro posto nesta categoría foi para Martín Carrera Costas, de 20 anos e membro do Clube de Natación de Ponteareas. Rifándolle a victoria en todo momento, o seu compañeiro Francisco Cobelo Represas, de 21 anos, que acadou o segundo posto. A poucos metros deles chegaba Laura Rodríguez Novoa, de 17 anos e tamén membro do clube ponteareano, que conseguiu o terceiro posto do podio, realizando o percorrido en pouco máis de 19 minutos.

A entrega de premios tivo lugar na carpa instalada na explanada do Porto con motivo da celebración da XXVII Festa da Langosta e da Cociña Mariñeira. Ademáis do recoñecemento ós gañadores absolutos nas categorías feminina e masculina, o rexedor local e a concelleira de Turismo, Montserrat Magallanes, agasallaron cunha medalla ós tres competidos e competidoras máis rápidos por rangos de idade. Por outra parte, e como recoñecemento de excepción, o rexedor e a concelleira quixeron premiar ó esforzo de participantes como Andrés Jesús Rodríguez (68 anos), o nadador máis veterano; e Alberto Pérez Paz que, ós seus 8 anos, foi o participante máis mozo.

A continuación, pódese consultar as clasificacións das probas e das categorías: