Un centenar de nenas e nenos participan nas escolas de balonmán, fútbol e baloncesto do Campus Deportivo

As actividades do Campus Deportivo do Concello da Guarda arrincaron esta mañá con 112 nenas e nenos dentre 5 e 15 anos inscritos nalgunha das tres modalidades de deporte ofertadas: balonmán, fútbol e baloncesto, organizadas polo concello en colaboración cos clubes locais e o grupo madrileño de actividades extraescolares Guajes.

O alcalde do Concello da Guarda, Antonio Lomba, e o concelleiro de Deportes, Manuel Javier Crespo, recibiron o pasado sábado ós participantes no pavillón da Sangriña, nun acto de benvida no que os rapaces coñeceron ós seus monitores e puideron recoller a equipación propia de cada grupo.

As actividades levaránse ó cabo, principalmente, nas instalacións do Pavillón Municipal, o Estadio de fútbol e as pistas exteriores do colexio e o instituto da Sangriña. Ademáis das propiamente deportivas, entre as 9:30 e as 13:30 horas de cada mañá, as rapazas e rapaces realizarán outras actividades, como leccións e prácticas de primeiros auxilios e educación viaria, así como xogos acuáticos na Piscina Municipal.

Os venres serán días de programación especial, con actividades conxuntas. Así, este 7 de xullo as nenas e nenos visitarán o Castelo de Santa Cruz, onde realizarán talleres orientados ó coñemento da cultura e o patrimonio local. Xa no derradeiro venres, o 14 de xullo, terá lugar o acto de de despedida, coa celebración dunha festa da espuma.