ABERTO O PRAZO DE INSCRICIÓN PARA PARTICIPAR NAS ESCOLAS DEPORTIVAS MUNICIPAIS E NAS ACTIVIDADES ANUAIS PROGRAMADAS POLA OMIX

O Concello da Guarda xa ten aberto o prazo de inscrición para todos aqueles interesados en participar tanto Escolas Deportivas Municipais, coma nas Actividades Anuais programadas pola OMIX.

No caso das Escolas Deportivas Municipais, organizadas pola Concellería de Deporte, o prazo para anotarse está aberto ata o próximo venres 25 de setembro. Este ano o Concello oferta, para nenos comprendidos entre os seis e os 16 anos, clases de baloncesto e de pádel.
O horario para a práctica de baloncesto será os venres de 16 a 18 horas no pavillón de Solanas. O prezo ó mes é de 12 euros.

As clases de pádel serán en diferente horario dependendo da idade. Así os nenos de 6 a 9 anos irán os martes, os de 10 a 13 os mércores e os de 14 a 16 anos os xoves. Todos os días as clases serán de 16 a 17 horas. O prezo mensual é de 15 euros.

Aquel pai, nai ou titor que queira anotar o seu fillo ou filla deberá facelo no propio Concello. Para máis información poderán dirixirse ó correo deporte@aguarda.es , no facebook , no blog deporteaguarda.blogspot.com.es ou directamente no Concello.

Actividades da OMIX

Pola súa banda, o prazo para participar nas actividades organizadas pola OMIX do Concello da Guarda – pilates, zumbale, aerobic e pintura- tamén está aberto.

Os horarios previstos para o desenvolvemento das actividades son:
Pilates: martes e xoves de 19:00 a 20:00 horas.
Aerobic: martes e xoves de 20:30 a 21:30 horas.
Zumbale: luns e mércores de 19:00 a 20:00 horas.

Para pintura o horario planificado será os xoves de catro a seis un grupo e o segundo de seis a oito horas.

Para a inscrición ou información de cada actividade todas as persoas interesadas terán que poñerse en contacto coa OMIX a través do teléfono 986614546, mail informacion@aguarda.es ou no perfil facebook.