O Concello traballa na dinamización da lingua galega a través dun novo libro de «Os Bolechas»
O Concello da Guarda, a través da Concellería de Cultura, está traballando nun novo programa de dinamización da lingua galega a través da edición e publicación dun libro protagonizado polos populares personaxes infantís «Os Bolechas».
A obra, ilustrada polo debuxante Pepe Carreiro, dirixirase á divulgación dos valores ambientais, paisaxísticos e patrimoniais da desenbocadura do río Miño, concienciando sobre a riqueza natural e hisótica do municipio guardés. A publicación, dirixida ao público infantil, será distribuida próximamente nos centros de educacións infantil e primaria do municipio, de xeito que se chegue a través do alumando a todo o público familiar.
«Os Bolechas» retornan á Guarda
«Os Bolechas» son uns personaxes xa consolidados na literatura infantil. Orixinarios de Galicia, os populares irmáns Bolechas exprésanse sempre en galego e percorren a nosa xeografía, explicándolla aos rapaces e rapazas a través do noso idioma. A publicación deste novo libro redundará, en último termo, na normalización do galego como lingua vehicular para as nenas e nenos, tendo como referencia os personaxes infantís que, ao tempo, consolidan cara a eles o galego como lingua de referencia para describir a nosa contorna.
A publicación conta co financiamento da Deputación de Pontevedra, ao abeiro das axudas para a dianmización lingüística da institución provincial.
