Lemos Xuntos?

Aquí vos deixamos suxerencias e bibiotecas dixitais do más interesante

GaliciaLe

https://www.galiciale.gal

GaliciaLe proporciona un servizo de préstamo temporal de obras en formato dixital de temáticas diversas no que os intereses de todas as persoas lectoras terán o seu espazo (ficción, informática, historia, ocio etc.) e todas as idades o seu lugar.

En GaliciaLe o lector atopará dous catálogos: un que contén o “Catálogo galego” e outro que aloxa o “Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderá facelo, ademáis, desde un lector de libro electrónico.

Europeana

https://www.europeana.eu/es/

En Europeana traballan con miles de arquivos, bibliotecas e museos para compartir a herdanza cultural con fins de educación, investigación e goce.

Europeana Collections proporciona acceso a máis de 50 millóns de arquivos dixitalizados —libros, música, material gráfico, etc.— e conta con sofisticadas ferramentas de procura e filtrado para axudarche a atopar o que buscas.

Galiciana

http://biblioteca.galiciana.gal

Galiciana é a biblioteca dixital de Galicia impulsada pola Dirección Xeral de Políticas Culturais da Xunta de Galicia e xestionada pola Biblioteca de Galicia.

Galiciana integra actualmente, ademais de fondos propios da Biblioteca de Galicia, obras dixitalizadas en colaboración coas principais bibliotecas patrimoniais galegas. Nela pódense consultar recursos dixitalizados en institucións culturais tan importantes para Galicia como a Universidade de Santiago de Compostela, o Museo do Pobo Galego, a Fundación Penzol de Vigo, a Real Academia Galega, o Seminario de Mondoñedo ou a Biblioteca de Estudos Locais da Coruña.

Hispana

https://hispana.mcu.es

Hispana é o portal de acceso ao patrimonio dixital e o agregador nacional de contidos a Europeana. Hispana reúne as coleccións dixitais de arquivos, bibliotecas e museos españois.

Entre as coleccións que Hispana colleita destacan os repositorios institucionais das universidades españolas e as bibliotecas dixitais das Comunidades Autónomas, que ofrecen acceso a conxuntos crecentes de todo tipo de materiais(manuscritos, libros impresos, fotografías, mapas…) do patrimonio bibliográfico español.

Hispana tamén incorpora os contidos de CER.es, o catálogo colectivo da Rede Dixital de Coleccións de Museos de España Esta rede reúne museos que comparten un sistema unificado de documentación e xestión das súas coleccións.

Biblioteca Digital Mundial

https://www.wdl.org/es/

A Biblioteca Dixital Mundial é unha biblioteca internacional creada pola Unesco (Organización das Nacións Unidas para a Educación, a Ciencia e a Cultura) e a biblioteca do Congreso de Estados Unidos para poñer ao dispor de toda a humanidade todos os contidos culturais do mundo a través dos fondos dixitais de ducias bibliotecas do mundo.

O obxectivo da mesma é ofrecer libros dixitais, mapas, fotografías, manuscritos, partituras musicais, gravacións, películas, documentos de arquitectura e outros tipos de materiais culturais digitalizables que se conservan en distintas bibliotecas e entidades culturais de distintas partes do mundo.

Biblioteca Virtual Miguel de Cervantes

http://www.cervantesvirtual.com/

A Biblioteca Virtual Miguel de Cervantes ofrece acceso a libros electrónicos en español en dominio público, polo que poden ser reutilizados sen restricións.

Conta con áreas moi completas: Institucións e Fundacións, Literatura, Lingua, Biblioteca americana, Biblioteca Joan Lluís Vives, Biblioteca dás Letras Galegas, Biblioteca de Signos, Biblioteca de Literatura infantil e xuvenil, Historia, Arquivos, Hemeroteca, Arte.

Planeta Fácil

http://planetafacil.plenainclusion.org/libros/

Plena inclusión é a organización que representa en España ás persoas con discapacidade intelectual ou do desenvolvemento.

No seu enderezo web é posibel escoitar e ler e descargar libros en versión lectura fácil. Estos son algúns dos títulos que podemos atopar: “El niño con el pijama de rayas”, adaptado por Cadis Huesca; “El Principito”, adaptación da obra de Antoine de Saint-Exupéry; “Don Quijote de La Mancha”, adaptación da obra de Miguel de Cervantes; “Feminismo para principiantes”, adaptación da obra de Nuria Varela; “La Reina Mab”, adaptación da obra de Laura Gallego García.

Kalandraka TV

http://www.kalandraka.tv/

Debido ao confinamento, Kalandraka lanzou a campaña audiovisual ” Contos contados” na que cada día sobe un vídeo contando un conto de entre todas as obras do seu catálogo. Para entreter aos máis pequenos pero tamén ás familias e persoas que lle gustan os contos.

Primaveira das Letras. Real Academia Galega

http://primaveradasletras.gal/

É unha iniciativa da Real Academia Galega para os nenos e nenas que cursan infantil e primaria.
O obxectivo e dar a coñecer a vida e a obra de Ricardo Carballo Calero (Ferrol, 1910 – Santiago de Compostela, 1990). Este ano convidan a facer unha viaxe para espallar o Día das Letras por todo o planeta, por toda a galaxia! Podedes deseñar a vosa ruta a través das fichas descargables e as actividades interactivas. Da unha volta pola páxina e boa viaxe!!

Aprende coas Mulleres Galegas

http://igualdade.xunta.gal/gl/recursos/aprende-coas-mulleres-galegas

Unha actividade moi atractiva. Podes descargar e imprimir a unidade didáctica e actividades en PDF, destas interesantes mulleres: Maruja Mallo, Mª Victoria Moreno, Ángela Ruiz Robles, Concepción Arenal, Ángeles Alvariño, Ernestina Otero, Mª Josefa Wonenburger Planells, Emilia Pardo Bazán, Olimpia Valencia e Filomena Dato. Queredes coñecelas mellor? Que disfrutedes da actividade!! E atentos ás novidades que poida haber.

interactivas. Da unha volta pola páxina e boa viaxe!!

O Papagaio. O xornal da xente miuda

Vos deixamos aquí os exemplares do Papagaio editados durante a cuarentena. Un xornal feito para os mais pequenos dirixido por Abraham Carreiro que incorpora noticias feitas por rapaces de toda Galicia. Este xornal se pode atopar habitualmente na Biblioteca da Guarda e nas bibliotecas dos colexios da Guarda.