A Deputación de Pontevedra subvenciona a actualización do inventario de bens da Guarda

A Deputación de Pontevedra vén de conceder unha subvención ao Concello da Guarda por importe 21.538€ para a actualización do inventario de bens municipais. O financiamento da institución provincial, enmarcada no Plan Concellos 2017, permitirá ao Concello da Guarda adquirir unha aplicación informática na que se poderá acceder e consultar o inventario de bens municipais (principalmente, rúas e camiños do municipio) dunha forma sinxela e áxil por parte do persoal do Concello.