May Ferreira presenta a súa novela “La sombra del percebe azul” en A Guarda

Un ano despois da presentación da súa primeira novela “El abrazo del sauce” finalista do Premio Planeta 2017, volve May Ferreira a presentar no Centro Cultural a súa segunda obra “La sombra del percebe azul”, que se desenrola fundamentalmente na Guarda. Terá lugar este xoves día 8 de agosto ás 20:00h da tarde no Centro Cultural da Guarda.

A novela aborda a vida dos personaxes cuxas existencias transcorren de forma paralela e tal vez o destino logre unilos. Casualidade ou causalidade. Permítenos reflexionar sobre a forza do azar para determinar os acontecementos que nos marcan. Da man dos protagonistas recorren cidades como Santiago de Chile ou Nueva York para finalmente recalar nun “pobo ao sur de Galicia con clara vocación mariñeira”.

A autora escribe cunha prosa amena e próxima, con clara vocación descritiva cando se trata de levarnos a lugares polos que sente devoción; recordos a través de comidas, olores e texturas ou sentimentos que están a flor de pel. A obra fai vibrar dende a perspectiva de emocións moi arraigadas que oscilan dende a amargura e a tristeza ata a exaltación dun amor profundo e prohibido.

May Ferreira é licenciada en Dereito. Ten unha ampla experiencia de mais de dúas décadas en multinacionais do sector industrial e a banca dentro da área de Recursos Humanos. Na actualidade dirixe a área de formación dunha coñecida consultora e é responsable da área de emprendemento da Comunidade de Madrid. Está escribindo a súa terceira obra, unha biografía con ambientación histórica.