Formalización contrato limpeza de edificios públicos

DATA DE FORMALIZACIÓN: 21 DE XULLO DE 2016

DECRETO 0508 /2016

Resolución da Alcaldía de  19 DE XULLO DE 2016

CONSIDERANDO que mediante Decreto 283/2016, de 27 de abril, aprobouse a apertura do procedemento de adxudicación do contrato do servizo de  “LIMPEZA DOS EDIFICIOS PÚBLICOS DO CONCELLO DA GUARDA”

CONSIDERANDO que ó Mesa de Contratación procedeu á apertura das ofertas presentadas que se sinalan a continuación :

EMPRESA	OFERTA ECONOMICA	BOLSA DE HORAS	CERTIFICADO CALIDADE	PUNTUACIÓN TOTAL
MULTISERVICIOS A GUARDA, S.L.	75.000 €/anuais	0	NON	0 PUNTOS
LHYP	74.370,20 €/anuais	102 mensuais 100 anuais	ISO 9.001 ISO 14.001	100 PUNTOS

CONSIDERANDO que a Mesa de Contratación acordou propoñer para a súa contratación a empresa LHYP ASLYM LIMPIEZA E HIGIENE PROFESIONAL, S.L. por realizar a oferta máis ventaxosa,

CONSIDERANDO que a mercantil LHYP ASLYM LIMPIEZA E HIGIENE PROFESIONAL, S.L. foi requerida para que presentara nas dependencias municipais a documentación necesaria para a adxudicación do contrato e que ésta presentou con data 4 de xullo de 2016 (RE nº 4.242) renuncia a continuar no proceso de contratación,

CONSIDERANDO que mediante Decreto 0478/2016, de 7 de xullo adoptouse a seguinte resolución:

“1.- Aceptar a renuncia presentada a LHYP ASLYM LIMPIEZA E HIGIENE PROFESIONAL, S.L.  e polo tanto excluila do procedmento de contratación

2.- Requerir a MULTISERVICIOS A GUARDA, S.L. para que, de acordo co sinalado nos pregos que rexeron a contratación, dentro do prazo de 10 días  hábiles contados a partir do seguinte ó da recepción deste requerimento, presente na Secretaría do Concello da Guarda:

• documentación acreditativa da capacidade de obrar segundo a clausula 15 do prego de clausulas administrativas.
• documentación acreditativa da representación segundo a clausula 15 de prego de clausulas administrativas.
• documentación acreditativa da solvencia de acordo coa cláusula 9 de prego de clausulas administrativas.
• Documentación acreditativa da alta no IAE correspondente.

 De acordo co disposto no artigo 83-TRLCSP, a documentación relacionada anteriormente poderá substituírse pola presentación do certificado de inscrición no Rexistro Oficial de Licitadores e Empresas Clasificadas do Estado ou do Rexistro Xeral de Contratistas da Comunidade Autónoma de Galicia regulado por Decreto 262/2001, do 20 de setembro (D.O.G. n.o 200 do 16 de outubro de 2001), sempre e cando o dito certificado inclúa os anteditos datos, e debendo acompañar á dita certificación unha declaración responsable na que o licitador manifeste que as circunstancias contidas na certificación presentada non variaron (art.146.3-TRLCSP).

En todo caso, os licitadores que presenten esta certificación deberán presentar ademais do certificado, unha fotocopia compulsada do DNI da persoa que presenta a oferta

 

• a fianza definitiva polo 5% do importe da adxudicación excluido o IVE (referida ós dous anos de duración)
• documentación xustificativa de estar ó corrente no cumprimento das súas obrigas tributarias e coa Seguridade Social.
• Xustificante de ter aboado os gastos dos anuncios (399,60 euros)

 O órgano de contratación procederá á adxudicación do contrato dentro dos cinco días hábiles seguintes á recepción da citada documentación.”

Presentada a documentación requerida pola empresa en data 12 de xullo de 2016, emitidos informes pola secretaria e intervención municipais, e en virtude das facultades que me confire o ordenamento xurídico vixente, e de acordo co disposto nos pregos que rexeron a presente contratación

RESOLVO:

1.- Adxudicar o  contrato  para levar a cabo o contrato do servizo de  “LIMPEZA DOS EDIFICIOS PÚBLICOS DO CONCELLO DA GUARDA”  a MULTISERVICIOS A GUARDA, S.L. nos seguintes termos:

IMPORTE DE ADXUDICACIÓN: 75.000 €/anuais (IVE ENGADIDO).

PRAZO DE DURACIÓN: DOUS ANOS .

2.- Requerir á adxudicataria, MULTISERVICIOS A GUARDA, S.L. para que proceda a formalización do contrato no prazo non superior a quince días hábiles a contar dende o seguinte ó da recepción do presente requerimento.

3. -Notificar a presente resolución ós interesados, ó departamento de Intervención, e proceder a súa publicación así como a da formalización no perfil do contratante municipal.

 

                                                                                      A Guarda, a 19 de xullo de 2016

O Alcalde

Antonio Lomba Baz