A VI edición do Torneo de Baloncesto Vila da Guarda terá lugar o 5 de agosto

• As inscricións están abertas ata o 2 de agosto.

Na xornada deste xoves día 27 de xullo de 2023, realizouse no Salón de Plenos do Concello da Guarda a Presentación da VI edición do Torneo de Baloncesto Vila da Guarda, un evento deportivo que terá lugar o vindeiro día 5 de agosto dende as 9:00h da mañá nas instalacións do C.T. Codesal.

No acto de presentación estiveron presentes os concelleiros Aser Estévez e Celso Rodríguez, así coma representantes do clube Baixo Miño Basket, organizador da proba deportiva que chega este ano á súa sexta edición.

As inscricións están abertas ata o 2 de agosto a un prezo de 10€/persoa e 8€/persoa para membros do BMB ou do C.T. Codesal, coa opción de comida de confraternidade post-torneo por 8€ máis.

En total o torneo terá un máximo de 10 equipos de entre 4 e 5 xogadores, puidendo ser os mesmos mixtos e para as categorías de júnior e sénior, a partir dos 16 anos con partidos 3×3 con cambios.

Haberá premios para os gañadores, concurso de triples, concurso MV, medallas e trofeos para os tres primeiros.

Dende o Clube Baixo Miño Basket se quere facer un chamamento a todas as persoas que lles gusta o deporte do baloncesto, de cara a promover a súa práctica na comarca, facendo especial fincapé na base ou canteira.

Máis información en club.baloncesto.bmb@gmail.com ou no teléfono 669 859 992.

Formulario de inscrición: https://docs.google.com/forms/u/0/d/e/1FAIpQLSdkAXtFngAtpNpQ0F6nhTFiKrwprEDnAqrZuaP9Zrbx9X7SXQ/viewform?usp=send_form&pli=1