O CONCELLO DA GUARDA DOTA DE ILUMINACIÓN LED A RÚA VICENTE SOBRINO
A implantación reducirá o consumo nun 60%.
O Concello da Guarda está dotando da nova e innovadora iluminación Led a céntrica rúa Vicente Sobrino.
Este sistema de alumeado fará que se reduza o consumo ata un 60% polo que o aforro nas facturas para o Concello, será na mesma porcentaxe. Ademais, a iluminación Led, ten unha vida útil moito maior có alumeado tradicional, o que reducirá tamén os gastos de mantemento. Así mesmo, durante toda a súa duración os Led sempre producen a mesma luminosidade, cousa que non ocorre ca iluminación tradicional, que, co paso do tempo, vai perdendo potencia.
Este novo sistema de alumeado ofrece polo tanto unha maior eficiencia e, ademais, non é contaminante.
Os farois que se están a instalar en Vicente Sobrino son modernos o que tamén fai que esta rúa teña unha nova vistosidade.
O Concelleiro de Servizos, Paulino Rodríguez, estivo esta mañá supervisando ós traballos dos operarios e mostrouse moi interesado pola implantación desta nova iluminación nas rúas da Guarda.
Tal e como informou o Concelleiro, espérase que Vicente Sobrino, sexa a primeira de moitas rúas que implanten este novo alumeado público. As medidas do goberno local, son, polo tanto, ir implantando este sistema no resto das rúas da localidade guardesa.