A Guarda busca novas accións na campaña de Ferrero Rocher

A campaña de “Juntos brillamos más” de Ferrero Rocher avanza e os próximos pasos dependen do voto do público. Se A Guarda se coloca nos primeiros postos da votación durante os próximos días, a próxima semana visitaranos a produtora de Ferrero Rocher para gravar un vídeo promocional.

Ante os prazos tan axustados, A Guarda busca os figurantes para aparecer en diversas secuencias do vídeo. Esta gravación, de realizarse, producirase entre o mércores 12 e o domingo 16, aínda que o día preciso saberase un par de días antes da gravación.

Que se busca para este vídeo?

Grupo 1: trátase de figurantes con secuencias e pequena intervención, diálogo ou frase para que o precisan 6-8 persoas de 25 a 50 anos.

Grupo 2: trátase de figurantes de fondo e de aparicións moi curtas para o que precisan 10-15 persoas de 16 a 70 anos.

Como podo participar?

Grupo 1: Tes que enviar un correo electrónico a prensa@aguarda.es, co asunto GRUPO 1 FERRERO incluíndo nome e apelidos, teléfono e foto actual e un curto vídeo de presentación (máximo 30 segundos).

Grupo 2: Tes que enviar un correo electrónico a prensa@aguarda.es, co asunto GRUPO 2 FERRERO incluíndo nome e apelidos, idade e teléfono de contacto.

O prazo para enviar o correo é ata o domingo 9 (incluído). Agardamos a vosa participación e lembrade difundir para que A Guarda chegue aos primeiros postos!

Para incentivar e promocionar as votacións convocase na vindeira semana ao comercio, hostalería e as asociacións culturais, deportivas e demais entidades ou persoas para que entre todos academos un bo resultado como vila con encanto