A OMIX da Guarda oferta Obradoiros de fotografía e vídeo para a mocidade

Para este mes de xullo a OMIX da Guarda oferta para a mocidade a partir de 12 anos dous obradoiros: un de fotografía e outro de vídeo.

Os dous obradoiros tratarán de dotar de ferramentas e coñecementos sobre o manexo da cámara do teléfono móbil. Os obradoiros levaranse a cabo no exterior do Castelo de Santa Cruz e emprazamentos similares e singulares, tratando de aproveitar ao máximo os espazos ao aire libre.

O obradoiro de fotografía desenvolverase os días 14 e 15 de xullo de 11 a 13 horas e o de vídeo os días 21 e 22 de xullo tamén de 11 a 13 horas.

Para participar pódese remitir un mail a informacion@aguarda.es, chamando á OMIX ao 676 347 890 ou a través das redes sociais da OMIX da Guarda