A película “Rondallas” logra unha ovación de catro minutos na súa premiere

Na tarde de onte, a praza Elíptica de Vigo acolleu a première da película “Rondallas”, gravada en gran parte na Guarda.

Á esta preestrea da nova película de Daniel Sánchez Arévalo acudiron o alcalde e concelleiros da Guarda, atopándose con numerosos persoeiros do mundo da cultura e das rondallas.

O evento comezou cunha actuación especial de 93 rondalleiros na planta baixa do Centro Comercial da Praza Elíptica, onde interpretaron temas incluídos na banda sonora do filme como “O Pisirilo”, “Quero josar” e “Wake me up” de Avicii.

No photocall A Guarda non só estivo presente no cartel, xa que a actriz María Vázquez levou un traxe que incluía redes como homenaxes ás redeiras guardesas.

Agora, só faltan varias semanas ata que todos poidamos desfrutar desta película, xa que se estrea o día 1 de xaneiro en cines; mais os antecedentes non poden ser mellores porque ao final da proxección a película recibiu unha ovación de catro minutos.