A unidade móbil de ADOS volve esta fin de semana á Guarda

A unidade móbil da Axencia de Doazón de Órganos e Sangue (ADOS) regresa este venres e sábado á Guarda.

No ano 2024, na Guarda, doaron 518 persoas e a taxa foi de 52 doazóns por cada 1000 habitantes, o que supón un descenso de 143 doazóns respecto 2023.

A unidade móbil estará o venres 29 de agosto de 10:15 a 14:00 horas en horario de mañá, e de 16:30 a 21:00 horas, en horario de tarde. O sábado 30 só se poderá doar en horario de mañá de 10:00 a 14:30 horas.

O bus estará na rúa Rosalía de Castro, diante do Centro Cultural. Recordade que hai uns requisitos mínimos, como ser maior de idade e pesar máis de 50 kg.