O Centro de Información á Muller (CIM) da Guarda trae a obra de teatro “Boa sorte, mala fama” ao Centro Cultural da Guarda. A obra comezará ás 20:00h o próximo venres 23 de maio.
Durante unhas dúas horas a obra fará un percorrido a través de diferentes épocas e persoas que contará a historia máis “incómoda” da nosa emigración. Para iso válese de tres disciplinas: a narración oral (que será o fío condutor), a música ao vivo (que fará que o público se transporte ás realidades e sensacións) e na interpretación actoral (coa que se poñerá corpo ás palabras).
