Minuto de silencio na Guarda en memoria das vítimas do atentado de Estambul
Este mércores día 29 de xuño, ás 12 horas, as autoridades da Guarda e os veciños da localidade que puideron achegarse gardaron un minuto de silencio xunto á Casa do Concello, na Praza do Reló, en memoria das vítimas do atentado do aeroporto de Estambul deste pasado martes.
Este mércores día 29 de xuño, ás 12 horas, as autoridades da Guarda e os veciños da localidade que puideron achegarse gardaron un minuto de silencio xunto á Casa do Concello, na Praza do Reló, en memoria das vítimas do atentado do aeroporto de Estambul deste pasado martes.
Onte pola noite coñecíase o terrible suceso, o atentado que tres terroristas causaron na capital turca este martes 28 de xuño, pola noite, e do que o goberno fai responsable a ISIS. Polo de agora as autoridades do país comunican que hai 41 vítimas mortais e 239 feridos de distinta gravidade, pero espérase que estas cifras vaian cambiando nas próximas horas.
O concello da Guarda quere mostrar con este xesto a súa solidariedade co pobo turco e achegar as súas condolencias ás vítimas e familiares das vítimas nestes duros momentos.
