Os Reis Magos e os seus paxes chegarán mañá á Guarda para repartir caramelos e recibir aos cativos

O próximo venres 5 de xaneiro chegarán á Guarda as Súas Maxestades os Reis Magos de Oriente, para percorrer as principais rúas da vila coa tradicional Cabalgata. Nesta ocasión, as carrozas dos tres Reis Magos e o seu séquito de paxes terán un acompañamento estelar, composto polos grupos O Trebón dos Xidos, o Grupo de Gaitas da Tercera Idade, a Charanga Cantos Somos e o grupo de baile moderno Xamaraina.

O percorrido partirá ás 18 h da Rúa Rosalía de Castro (Alameda) continuando pola Avenida de Galicia e pasando pola Igrexa Parroquial, para chegar finalmente á Casa dos Alonso. Como é tradición, os Reis e os seus paxes repartirán durante o percorrido preto de 400 quilos de caramelos -aptos para celíacos- e, xa na Casa dos Alonso, escoitarán as peticións de tódolos rapaces guardeses para poder colocar os seus agasallos na noite do venres.

En caso de que a choiva impida sair ás carrozas, os Reis recibirían igualmente a todos os nenos na Casa dos Alonso a partir das 18 h.