5 de xuño, Día mundial do medioambiente

O día 5 de xuño, celébrase o Día Mundial do Medio Ambiente. Este ano céntrase na restauración das terras, en deter a desertificación e fortalecer a resistencia á seca baixo o lema “as nosas terras, o noso futuro”.

A  restauración do solo é un pilar fundamental dentro do Decenio das Nacións Unidas sobre a Restauración dos Ecosistemas (2021-2030); a protección e restauración dos ecosistemas de todo o mundo é un aspecto fundamental para alcanzar os Obxectivos de Desenvolvemento Sostible.

Este ano 2024 celebrarase o 30º aniversario da Convención das Nacións Unidas na loita contra a desertificación.

O noso concello é coñecedor da gran problemática que ocasiona a falla de agua no verán polo aumento da poboación, polo que dende a administración local queremos recordar que con pequenos xestos de aforro axudamos entre todos.

Temos tamén que salientar que as guardesas e guardeses están moi comprometidos coa compostaxe individual, unha forma de convertir os residuos en recursos. A compostaxe axuda a restauracion do solo, xa que unha das súas principais deficiencias é a materia orgánica. O compost aporta ao noso solo materia orgánica e nutrientes como nitróxeno, fósforo e potasio, que axudan á súa proteción e mellor composición.

E en conmemoración deste Día Mundial, o Concello da Guarda convoca unha nova actividade de divulgación medioambiental dentro do ciclo “Sostendo Futuro” cun roteiro de identificación de Flora e Fauna organizada en colaboración coa axencia ambiental Biofhilia, coa que aprender un pouquiño sobre a fauna e a flora que  temos preto. A actividade está dirixida para todos os públicos, eprecisa de inscrición previa a través do mail  medioambiente@aguarda.es ou do teléfono 986 610 000, xa que as prazas son limitadas.

O lugar de encontro será na casa veciñal do monte de Salcidos (Monte Torroso), o día 9 de xuño as 10:30 e terá unha duración de unha hora e media. Recoméndase levar  roupa axeitada coa climatoloxía.