A obra teatral «O nome de todos os nomes» chega este venres á Guarda

«O nome de todos os nomes», baseada nunha novela do escritor José Saramago, conmemorará a Revolución portuguesa do 25 de abril.

O Centro Cultural da Guarda acollerá o venres 27 de abril a obra teatral O nome de todos os nomes, do grupo Amador de Teatro Português Eu.Experimento. A obra comezará ás 20:30 horas e o acceso será de balde, sen necesidade de retirada previa de entrada.

A representación baséase na novela Todos os nomes (1997) do escritor José Saramago, na que se relata a vida dun funcionario de mediana idade que se namora dunha descoñecida. A busca desta muller misteriosa converterase nunha obsesión para o protagonista.

Esta é unha actividade organizada polo Concello da Guarda en colaboración co departamento de Portugués do IES A Sangriña e o Instituto de Cooperãçao e da Lingua Camões. A obra conmemora a Revolución dos Caraveis (25 de abril de 1974) que permitiu a restauración da democracia no país veciño, tras preto de medio século de ditadura.