Hoxe péchase o prazo para inscribirse nos clubes de lectura da Biblioteca Municipal
Hoxe, xoves 29 de outubro, pecha o prazo de inscrición para todos aqueles interesados en unirse aos clubes de lectura organizados polo Concello da Guarda na Biblioteca Municipal.
Nestes clubes, os membros se porán de acordo para ler un mesmo libro que será prestado pola biblioteca. Tras a súa lectura, quedarán para a posta en común da historia e para dar as súas opinións. A datas das reunión serán acordadas entre os propios membros do grupo. Aquelas persoas interesadas en pertencer aos clubes poderán inscribirse na propia biblioteca, situada no Centro Cultural. O horario de apertura é de 17 a 20 horas da tarde.
Outras actividades
O Concello da Guarda busca dinamizar a biblioteca municipal organizando diferentes actividades. Así, ademais dos clubes de lectura, xa se celebrou o Día da Biblioteca e están planeadas sesións de Contos Contados.
As sesión de “Contos Contados” comezarán o 7 de novembro e se repetirán o primeiro sábado de cada mes. Para acudir a esta actividade non fai falla facer ningún tipo de inscrición, tan só acudir a biblioteca no horarios fixado, que sempre será de mañá.
Con este tipo de iniciativas a Concellería de Cultura e Educación, que dirixe Elena Baz, busca fomentar e promocionar a lectura e achegar a biblioteca municipal a todos os veciños e veciñas da Guarda.
