Cortes de tráfico este sábado para a celebración da baixada das carrilanas

Este sábado 30 produciranse cortes de tráfico e desvíos nas rúas da Guarda debido a baixada das carrilanas.

Os cortes produciranse a partir das 16:00h, para o comezo das instalación das medidas de seguridade. A rúa Concepción Arenal estará cortada na súa totalidade, así como os cruces que lle dan acceso.

Especial atención a algunhas rúas que modificarán o seu sentido:

• A metade da costa da rúa Enrique Sesto será en dirección baixada para dar acceso á rúa A Cal e Lagartosa.

• A rúa Julián López cambiará de sentido para darlle saída aos vehículos que baixen pola rúa Ireira.

• As rúas Tomiño e Pontevedra modificarán o seu sentido para poder baixar e acceder aos garaxes, aparcamento e hotel.

Para acceder ao porto, os vehículos deben continuar por rúa Manuel Álvarez e Circunvalación e baixar pola depuradora para chegar aos aparcamentos pola Avenida Fernández Albor.

Ao remate da baixada das carrilanas, levantaranse as restricións de tráfico. Desculpade as molestias e seguide as indicacións da Policía Local e da sinalización.