ÁBRESE O PRAZO DE INSCRICIÓN PARA PARTICIPAR NA “XX TRAVESÍA A NADO PORTO DA GUARDA”

Celébrase o sábado 4 de xullo ás 18 horas.

A Concellería de Deporte do Concello da Guarda, coa colaboración do Club de Remo Robaleira, do Club ALAGUA, a Cofradía de Pescadores Santa Tecla e Río Verde motores forabordas, abre o mércores día 10 de xuño, o prazo de inscrición para participar na “XX Travesía a Nado Porto da Guarda” que terá lugar o sábado 4 de xullo.

Como na edición anterior a Travesía non foi incluída no Circuito de Augas Abertas polo que a distancia a percorrer é de 400 metros ou de 1.500 metros, segundo a idade do nadador.
Nesta proba poden participar tanto nadadores federados como aqueles que non o estean.

A travesía, que está enmarcada dentro dos festexos da XXV Festa da Langosta e da cociña mariñeira, dará comezo ás 18 horas, saíndo os nadadores de menor idade en primeiro lugar.

Todos aqueles interesados en participar poden facer efectiva a súa inscrición, ata o 1 de xullo,  mediante a plataforma web: www.reunalia.com/5244519

As persoas que precisen máis información poden dirixirse directamente ó Concello da Guarda , na dirección de correo deporte@aguarda.es ou no teléfono 986 61 00 00.

[DESCARGAR BASES]                                          [DESCARGAR AUTORIZACIÓN PARA MENORES]