A Concellería de Xuventude da Guarda e a asociación Érguete Baixo Miño promoven o obradoiro “Educación para a saúde”
O Concello da Guarda organiza e leva a cabo, en colaboración coa asociación Érguete Baixo Miño e os Centro de ESO da Guarda o proxecto “Educación para a saúde”.
O Concello da Guarda organiza e leva a cabo, en colaboración coa asociación Érguete Baixo Miño e os Centro de ESO da Guarda o proxecto “Educación para a saúde”.
Trátase dunha iniciativa xurdida ante a preocupación da Concellería de Xuventude da Guarda polo aumento do consumo de drogas entre a mocidade máis nova e, sobre todo, pola preocupante relación destas coas Redes Sociais.
Como acción para loitar contra isto nace este obradoiro, que incluirá unha serie de xornadas impartidas nos tres centros da ESO da Guarda. En total serán 5: 4 xornadas de traballo cos rapaces en horas lectivas nos propios centros educativos e unha quinta xornada cos pais e nais que tamén se realizarán nos centros escolares. Todas elas impartidas pola asociación Érguete Baixo Miño.
