A Deputación oferta cursos de inglés para a xuventude da provincia de Pontevedra
Entre as actividades de formación que se están a organizar dende a Deputación de Pontevedra para a xuventude da provincia, atópanse 4 cursos de inglés que se convocan este mes de maio. Contan con 40 horas de clases presenciais cada un en horario de mañá, dende as 10 ás 14 horas.
Entre as actividades de formación que se están a organizar dende a Deputación de Pontevedra para a xuventude da provincia, atópanse 4 cursos de inglés que se convocan este mes de maio. Contan con 40 horas de clases presenciais cada un en horario de mañá, dende as 10 ás 14 horas.
Nestes cursos poderán participar mozos e mozas entre os 16 e 35 anos de idade, ambos incluídos, cos requisitos de que estean empadroados ou empadroadas nalgún concello da provincia e que teñan como mínimo un coñecemento da lingua equivalente ao nivel A2 de acordo ao Marco Común Europeo de Referencia para as Linguas que ten que ser acreditado cun certificado obtido nos últimos tres anos.
Presentación de solicitudes ata o 21 de xuño
Os citados cursos terán lugar nos concellos de Sanxenxo, Cangas, Vilagarcía de Arousa e Nigrán. Este último, quizais o máis interesante para os xoves da Guarda por proximidade, pechará a presentación de solicitudes o 21 de xuño, ao igual que o de Vilagarcía. No caso dos outros dous cursos, o de Cangas e o de Sanxenxo, o prazo remata antes, o 24 de maio.
Estes catro cursos ofertan un total de 80 prazas, 20 por cada un, e para que se cheguen a realizar será necesario un mínimo de 10 alumnos por cada un dos cursos. Os interesados en inscribirse deben presentar as solicitudes mediante o formulario web e presentando o xustificante electrónico xerado, ou mediante o formulario impreso que se pode atopar na páxina da Deputación www.depo.es. Toda a documentación requerida pode ser entregada en calquera das oficinas do rexistro da Deputación na provincia.
As datas e lugares dos cursos son as seguintes:
-Nigrán: do 4 ao 14 de xullo.
Centro Antena. Otero Pedrayo, 52
-Sanxenxo: do 6 ao 17 de xuño.
Pazo Emilia Pardo Bazán. C/Miraflores, 26 A
-Cangas: do 20 de xuño ao 1 de xullo
Casa de la cultura. Plaza de San Xoán, s/n
-Vilagarcía de Arousa: do 18 ao 29 de xullo
Centro de formación CEMIT. Avda. de Matosinhos, 1
