A Festa dos Avós da Guarda trae música, merenda e sorteos para os máis maiores

Este domingo 14 de xullo, o club da Terceira Idade organiza, en colaboración co Concello da Guarda, a Festa dos Avós.

Esta celebración terá lugar na Carpa do Porto a partir das 17:30 horas. Os asistentes desfrutarán das actuación da Coral e tamén do Grupo de Gaitas da Terceira Idade, e da Coral do Centro Social de Tui.

Ao remate das actuacións haberá rosca e bebidas para todos e realizaranse os sorteos. Ademais, farase entrega de agasallos especiais a algúns avós e avoas.