A Guarda acolleu varios torneos e exhibicións deportivas a pasada fin de semana

Na pasada fin de semana A Guarda acolleu varias probas deportivas que comezaron o venres día 19 de xullo coa terceira Mostra CD Baixo Miño e continuaron na xornada do sábado coa segunda edición de “La Guardia en Danza”, o X Torneo de Fútbol 7 Vila da Guarda e o Torneo de Baloncesto 3×3 Vila da Guarda.

III Mostra CD Baixo Miño

O venres día 19 de xullo de 2019 o Estadio Municipal da Sangriña acolleu a terceira edición da Mostra Centro Deportivo Baixo Miño.

Nesta edición contouse con diferentes exhibicións de Judo, baile moderno, zumba e Hip Hop, contando cunha extraordinaria afluencia de público que encheu as gradas do Estadio Municipal.

II “La Guardia en Danza”

Na xornada do sábado día 20 de xullo de 2019 o Auditorio de San Bieito da Guarda acolleu a segunda edición de “La Guardia en Danza”, un evento deportivo organizado por Do-Majó e que contou coa colaboración de varias escolas e grupos de baile de Vigo e do Baixo Miño como Studio 88 ou Xamaraina.

Excelente acollida de público que se achegou nesta tarde de sábado ata o Auditorio de San Bieito, enchendo as gradas deste espazo para presenciar as diferentes exhibicións de Danza Moderna, Hip-Hop ou Salsa, cheas de orixinalidade e cor.

Torneo Fútbol 7 Vila da Guarda

O sábado e o domingo pasados o Estadio Municipal da Sangriña acolleu a X edición do Torneo de Futbol 7 Vila da guarda, contando con 14 equipos inscritos e participando un toal de 140 xogadores con idades comprendidas entre os 14 e os 50 anos.

Entre os premiso entregados destacan o mellor porteiro para Mateo do equipo Os Bechos, o Máximo goleador para Caco do Equipo Os Juanitos. En canto á clasificación a primeira posición a acadou o equipo Manel Riveiro Peluqueros de Goián, segunda posción para Lonxamar e terceira posición para Os Bechos.

Torneo Baloncesto 3×3 Vila da Guarda

Na pasada fin de semana as pistas deportivas do Clube de Tenis Codesal acollían a V edición do Torneo de Baloncesto 3×3 Vila da Guarda que contou cunha gran representación de clubs do sur da provincia, aumentando nesta edición a calidade do torneo confraternizando con varios equipos.

En canto á clasificación a primeira posición a acadou o equipo Unicejos de O Porriño, a segunda posición foi para Sobaos de Vigo e a terceira foi para Tira Cerveza Tarzán de Vigo.

Sen dúbida unha fin de semana cargada de eventos deportivos que, en palabras da Concelleira de Deportes, Montserrat Magallanes, «é un sinal da boa saúde da que goza o deporte na vila da Guarda, cunha ampla representación de deportes e unha moi boa implicación tamén por parte dos veciños, o que repercute en hábitos de vida saudable.»