A Guarda pecha o Entroido 2020 cun multitudinario desfile
O martes día 25 de febreiro celebrábase na Guarda o Desfile de Entroido 2020, evento que puña o broche de ouro a unha programación de entroido na que non faltou a gastronomía, a festa, a animación infantil, a música e os coloridos e vistosos desfiles dos Coles e Desfile de Entroido.
Ás 17:30h saía, como é habitual, o Desfile de Entroido dende a “Esquina Famosa”, cun percorrido polas rúas da Guarda ata a Alameda acompañados da Batucada “Bate no Cobre de Matamá, que foi a encargada da apertura do desfile deste ano.
A diferenza doutros anos o desfile deste ano realizouse co ánimo de animar á maior cantidade de xente posible, coa participación de asociacións, colectivos e grupos de amigos e todos os nenos e nenas que participaron recibiron un agasallo.
Este ano, ademáis dos disfraces individuais, contouse coa participación dun total de 5 grupos: Los muñecos de la tele, Molinillos de vento, Fadas e xigantes do Millo, Hippies e Papagaios. Ademais participaron 10 comparsas: Os galácticos, Batubaíña, As arpillas, Guerreros Mayas, Fútbol americano e animadoras, Trollalheiros, Grease, O noso mar, Co frío chegaron… e unha comparsa de Gondomar. No apartado de carrozas participaron un total de 4: Aladin, A Cruza Show, Bella y Bestia e O, a cidade esmeralda. En total destináronse 3670€ en axudas á participación destas categorías.
Este ano foi un dos desfiles máis numerosos e multitudinarios que se recorda na Guarda, unha ampla participación que prolongou a duración do desfile en case dúas horas, cunha afluencia tamén masiva de espectadores que encheron as rúas da vila.
