A Guarda prepara o seu dispositivo para a celebración do final da carreira O Gran Camiño

A Guarda prepara a celebración do final da carreira ciclista O Gran Camiño, cun dispositivo especial para esa data do 18 de abril.

O alcalde da Guarda, Roberto Carrero e o xefe da Policía Local, Joaquín Navieira, reuníronse a semana pasada na Subdelegación de Goberno en Pontevedra para preparar o dispositivo da etapa e atender ás necesidades loxísticas e de seguridade.

Nesta reunión participaron diferentes concellos da etapa, así como forzas de seguridade e de emerxencias e membros da organización do Gran Camiño.