A programación do Nadal continúa esta semana na Guarda con actuacións, obradoiros e concertos

• O xoves 16 Concerto de Nadal do Conservatorio, o venres 17 actuación de “Los muñecos de la tele” e un Obradoiro de nadal, o sábado 18 Concerto Cantos de nadal e o domingo 19 Concerto de panxoliñas
• O domingo 19 celebrarase a conmemoración do centenario do Lavadoiro da Fonte da Cal

A programación do Nadal 2021 continúa esta semana na Guarda con diferentes propostas para todos os públicos que conta con actuacións infantís, obradoiros e concertos.

Na xornada do xoves día 16 de decembro o Centro Cultural da Guarda acolle a partires das 20:00h o tradicional Concerto de Nadal dos grupos de corda do Conservatorio de Música Elemental da Guarda, un concerto que sempre enche de ilusión aos xoves músicos guardeses e ao que acoden os seu familiares para presenciar os avances realizados na súa formación musical. De feito, en virtude do protocolo de prevención pola COVID-19 este ano o aforo está reservado só a familiares.

O venres día 17 de decembro ás 17:30h terá lugar o espectáculo infantil “Los Muñecos de la tele”, unha actividade organizada pola Asociación Studio 88 en colaboración co Concello da Guarda e para o que é preciso reservar entradas previamente no teléfono 606 54 06 73.

Tamén este venres ás 18:30h a OMIX da Guarda acolle o obradoiro “Reutilizando Abelorios”, as prazas son limitadas, polo que as persoas interesadas deberán inscribirse na OMIX a través do mail informacion@aguarda.es ou no teléfono 986610000 ext. 7.
Xa na xornada do sábado día 18 de decembro, a Praza de Avelino Vicente(As de Copas) acolle ás 12:00h o evento musical Cantos de Nadal, coa participación dos grupos de pandereteiras locais Coiro Vello, Carainas, Paliqueiras e Do Lusco ó Fusco.
Para rematar a semana, na xornada do domingo día 19 de decembro ás 12:30h realizarase o acto de conmemoración do Centenario do Lavadoiro da Fonte da Cal, un acto que contará con actuacións musicais e que terá lugar fronte ao propio Lavadoiro.

Pechando a xornada ás 17:30h a Igrexa Parroquial acolle o tradicional Concerto de Panxoliñas, un evento musical organizado pola Coral Polifónica Guardesa en colaboración co Concello da Guarda e no que actuarán, ademais da citada coral, a Coral da Terceira Idade, o Grupo Antorcha e Coro Cantábile da Guarda.

Ademais o venres 17 e sábado 18 todos os que visiten a Praza de Abastos en horario de mañá poderán ver os produtos da Mostra Creativa de Nadal, trátase dunha das accións comerciais dentro da Campaña de Nadal 2021/22 coa finalidade é incentivar o comercio local e crear sinerxias nunha Mostra na que participan 8 creadores, artesás, deseñadores do Baixo Miño, con stands na Praza de Abastos da Guarda .

AXENDA DE NADAL

XOVES 16 DE DECEMBRO
20:00h Centro Cultural
CONCERTO DO CONSERVATORIO

VENRES 17 DE DECEMBRO
9:00h – 14:00h Praza de Abastos
Mostra Creativa de Nadal
17:30h Centro Cultural
Actuación infantil “Los Muñecos de la Tele”
Reserva de prazas no 606 540 673.
18:30h Casa dos Alonso
Obradoiro “Reutilizando Abelorios”
Inscrición previa en Omix

SÁBADO 18 DE DECEMBRO
9:00h – 14:00h Praza de Abastos
Mostra Creativa de Nadal
12:00h Praza Avelino Vicente
CANTOS DE NADAL
Coas pandereteiras Coiro Vello, Carainas, Paliqueiras e do Lusco ó Fusco

DOMINGO 19 DE DECEMBRO
12:30 Fonte da Cal
Conmemoración centenario Lavadoiro da Fonte da Cal
17:30h Igrexa Parroquial
CONCERTO DE PANXOLIÑAS
Coa participación de Coral Polifónica de A Guarda, Coral da Terceira Idade, Grupo Antorcha e Coro Cantabile
Organiza: Agrupación Polifónica da Guarda

MARTES 21 DE DECEMBRO
18:00h Praza do Reló
Concerto de nadal de vento e coro dos alumnos do conservatorio
*En caso de choiva se suspende

DO 22 AO 24 DE DECEMBRO
ELFOS DE NADAL polas rúas da Guarda
Horario: 22 e 23 de 17:00h a 20:00h
24, de 11:30h A 14:30h

MÉRCORES 22 DE DECEMBRO
18:00h Casa dos Alonso
Obradoiro de Canto Moderno
Canta con voz Propia
Para tódolos públicos(entrada libre)

XOVES 23 DE DECEMBRO
De 16:00h a 19:00h Praza de Avelino Vicente
“GADALKA” a cargo do Mago Dani
Espectáculo de maxia individualizada por familias

MARTES 28 DE DECEMBRO
18:00h Centro Cultural
“Little neno descobre a… Os Beatles”, de A Reixa Produccións
Reserva de entradas en eventbrite.es

MÉRCORES 29 DE DECEMBRO
20:30h Centro Cultural
“Ventos de Nadal”, grupos seccionais da Agrupación Musical da Guarda

XOVES 30 DE DECEMBRO
18:00h Centro Cultural
TITIRICIRCUS, con Tanxarina Títeres
Reserva de entradas en eventbrite.es

VENRES 31
13:00h Pasarrúas polo centro da vila
O Apalpador chega á Guarda
Organiza Deputación de Pontevedra

DO 3 AO 5 DE XANEIRO
CARTEIROS DO NADAL polas rúas da Guarda
Horario: 3 e 4 de 17:00h a 20:00h.
5, de 11:30h. A 14:30h.

MARTES 4 DE XANEIRO
17:30h Alameda
CIRCO RASNOVARAK, con Troula Animación
Espectáculo de rúa con animais xigantes

MÉRCORES 5 DE XANEIRO
12:00h Pavillón Municipal da Sangriña
Partido Benéfico de Balonmán entre Atl. Guardés e BM Porriño
Recollida solidaria de alimentos non perecedoiros

Visita dos Reis Magos con paseo polas principais rúas da localidade.

Enlace para inscrición de eventos en eventbrite.es:
https://www.eventbrite.es/o/concello-da-guarda-35370803503