A programación polo 25N da Guarda trae unha charla con Amelia Tiganus

O martes 12 de novembro arranca a programación polo 25 N na Guarda, o Día Internacional da Eliminación da Violencia contra as Mulleres. E comeza cunha interesante charla con Amelia Tiganus, que leva por nome “Xuventude, Internet e violencia sexual: quen gaña?”. A charla comezará ás 20:00 horas na Casa dos Alonso.

Con esta conferencia e debate, pretende tratar de xeito honesto e aberto a educación sexual en internet, sabendo identificar a violencia sexual e reflexionar sobre a mercantilización do corpo das mulleres e nenas, así como as consecuencias físicas e mentais desta.

Para iso, contamos con Amelia Tiganus, quen xa recibiu premios e recoñecementos pola súa loita por un futuro libre da explotación sexual e reprodutiva. Amelia, tras ser víctima de trata e explotación sexual en prostíbulos españois por cinco anos, comprometeuse con dar a coñecer esta realidade e loitar contra ela, sendo tamén presidente da Federación Estatal de Mulleres Abolicionistas (FEMAB).