Aberto o prazo de inscricións para os Obradoiros de Nadal na Guarda

Dende este luns día 10 de decembro está aberto o prazo de inscricións para os Obradoiros de Nadal para nenos e nenas «Decora o teu Concello» e «Decora a túa casa».

Os días 26 de decembro e 2 de xaneiro os rapaces da Guarda teñen a oportunidade de realizar un obradoiro de manualidades dentro do programa «Decora o teu Nadal».

O mércores 26 de decembro terá lugar o Obradoiro Decora o teu Concello», onde os nenos e nenas participantes traballarán na decoración da nova casa do Concello na Casa dos Alonsos.

O mércores 2 de xaneiro terá lugar o Obradoiro «Decora a túa casa» onde os participantes realizarán un adorno para completar a decoración das súas casas.

A participación destes obradoiros está limitada a 15 prazas para cada día, os nenos e nenas interesados/as en participar só poderán anotarse nunha das dúas datas. En caso de querer participar nos dous, escollerán unha data con prioridade e quedarán na seguinte nunha lista de espera.

O horario e lugar das dúas actividades será entre as 11 e as 13h. na Casa dos Alonsos.

Para participar é preciso inscribirse entre os días 10 e 19 de decembro acudindo ó Centro Cultural en horario de 10:00h a 13:00h e de 17:00h a 20:00h ou chamando por teléfono ó 986 61 1850 ou escribindo un mail a culturaguarda@gmail.com

A inscrición farase por rigorosa orde de chegada

Descargar Folla de autorización aquí