Aprobado o novo Regulamento de limpeza pública e recollida de lixo do Concello da Guarda
No último pleno aprobouse definitivamente, a proposta da Alcaldía, o novo Regulamento de Limpeza pública e recollida de lixo do Concello da Guarda cos votos en contra do Partido Popular e do Bloque Nacionalista Galego.
No último pleno aprobouse definitivamente, a proposta da Alcaldía, o novo Regulamento de Limpeza pública e recollida de lixo do Concello da Guarda cos votos en contra do Partido Popular e do Bloque Nacionalista Galego.
Dende o Concello quérese manifestar a súa satisfacción pola aprobación deste Regulamento que permite actualizar un texto que estaba obsoleto e facer unha normativa moderna e acorde cos tempos.
O equipo de goberno do Concello da Guarda leva moitos meses, dende decembro de 2015, traballando neste Regulamento. Dende aquela tivo varias reunións con membros da oposición para tratar de consensuar o documento. Dada a importancia do mesmo o equipo de goberno fixo todo o posible por recoller as distintas aportacións que se fixeron dende os grupos e consensuar un texto. A pesar disto, non foi posible e non conseguiu o apoio unánime no pleno.
En próximas datas, cando o Regulamento entre en vigor, dende o Concello farase unha campaña informativa para que os veciños coñezan a nova normativa e entre todos consigamos mellorar a recollida de lixo e ter unha vila máis limpa e cuidada.