As Festas das Mercedes péchanse co I Trofeo Ciclista Aser Estévez

As Festas das Mercedes da Gándara chegan á súa fin co I Trofeo Ciclista Aser Estévez. O sábado 28 de setembro celébrase esta nova carreira ciclista cun circuíto urbano pola Gándara.

Os máis de 200 ciclistas, entre participantes de Galicia e Portugal, partirán da praza dos Seixiños e rematarán na mesma tras un percorrido de 1,1km.

A partir das 15:00 horas arrancarán as carreiras das diferentes categorías: promesas, principiantes, alevíns, infantís, cadetes, féminas, júniors e másters (30-40-50-60).

Por este motivo, haberá restricións de tráfico na PO-354 ao seu paso pola Gándara, e nas rúas Redondiña e Avenida de Francisco Lomba desde as 13:00 ata as 20:30 horas do sábado.