As inscricións para a Carreira de Entroido 2023 na Guarda rematan este xoves

• A Carreira terá lugar este sábado día 18 de febreiro ás 18:00h con saída dende a Alameda da Guarda
• As inscricións están abertas ata este xoves en https://www.deporticket.com/web-evento/8054-a-carreira-do-entroido

A Guarda acolle este sábado día 18 de febreiro de 2023 a Carreira de Entroido, un evento deportivo  que terá comezo ás 18:00h con saída e chegada na Alameda da Guarda e que contará cun percorrido aproximado de 4 quilómetros.

A proba é gratuíta, pero é preciso realizar inscrición, que están abertas ata este xoves a través da web https://www.deporticket.com/web-evento/8054-a-carreira-do-entroido.

Os nados no 2015 e posteriores deberán de ir acompañados dun adulto.

O evento está organizado por noko360 e o Concello da Guarda.