Case 500 deportistas participaron no VI Trail do Trega

Daniel Pazó e María del Carmen Arias, na proba de advance, e David Patiño e Deneb Álvarez, na de experience, foron os gañadores do VI Trail do Trega que se realizou no emblemático monte Trega da Guarda. Case 500 participantes de varias categorías, tomaron parte nunhas probas que se tiveron lugar nun escenario espectacular ao mesmo tempo con bastante dificultade. Pero todos agradeceron a paisaxe e o percorrido que deseñou a organización. Á cita, unha das máis importantes da tempada, se inscribiron atletas de toda Galicia, tamén de varios lugares de España e especialmente de Portugal. As probas contaron co apoio do Concello da Guarda, Comunidade de Montes da Guarda, Comunidade de Montes de Camposancos, Powerade e a Deputación de Pontevedra.

A proba chamada advance contaba cun percorrido de 18 kilómetros. Daniel Pazó do Club Atletismo Baiona, foi o primeiro en completalo, superou con facilidade a José Manuel Gil, do A Canuda Aviva Sport, de Salceda de Caselas, e Marcos Antonio Pascual, de Sanxenxo. Na categoría feminina, o triunfo correspondeu a María del Carmen Arias, do Pato Blanco Celanova, que tivo en Raquel Doiro González, do Ultra Life Team de Vigo, a unha forte adversaria. Rebeca Muñoz, de Teis, se colocou na terceira posición.

O deseño da proba incluía a subida da Cal, o miradoiro da Pedra Furada, o muro de Chans, a subida ós Castros, o muro do Facho, a subida a San Francisco, a 317 metros de altitude, e o muro do Concheiro. Polo tanto, un constante subir e baixar, o que puxo á proba a resistencia e capacidade de superación dos atletas.

Na proba experience, de 12 kilómetros, o gañador foi David Patino, do Club A Canuda, de Salvaterra de Miño. El triunfador tivo que empregarse a fondo, xa que superar por escaso marxe a Ramón Troncoso, do Club Atletismo Porriño. O vigués loitou ata o último momento pola victoria e se quedou moi preto. Demostrou atoparse nun bo momento de forma e conquistou un magnífico segundo lugar nunha proba que non se adapta ás súas características. Pola súa parte, Juan José Solleiro, de Tomiño, ocupou a terceira posición. Deneb Álvarez Saavedra foi a gañadora na categoría masculina, seguida por Lorena Freire, de Ourense, e Elena Pérez, do Lamargha Autotodo, de Castro Caldelas.

Os participantes tiveron que superar o miradoiro de Pedra Furada, o muro de Chans e a subida aos Castros, de 265 metros de altitude. o percorrido era menos esixente que na proba de 18 kilómetros, pero tamén obrigada a un intenso esforzo.

No VI Trail do Trega tamén organizou unha andaina, que contou cunha numerosa participación. Os organizadores destacaron tamén a presenza dunha gran cantidade de persoas que se desprazaron de Portugal. Esta competición xa se pode considerar como unha das máis importantes de Galicia por moitos motivos, entre eles a espectacularidade do seu paisaxe.