CLAUSURA DO CURSO FEDERATIVO DE MONITOR DE FÚTBOL BASE CELEBRADO NO CONCELLO DA GUARDA
Onte, no Salón de Plenos do Concello da Guarda, e en presenza do alcalde Antonio Lomba e o Concelleiro de Deporte, Xavier Crespo, clausurouse o Curso Federativo de Monitor de Fútbol Base.
Durante os meses de maio, xuño e xullo, esta localidade acolleu o esta formación que estivo organizada pola Federación Española de Fútbol e a “Escuela Gallega de Entrenadores”, en colaboración co Concello e o Sporting Guardés.
Esta formación, que tivo unha moi boa acollida entre os veciños e veciñas do municipio relacionados co mundo do fútbol, tiña como obxectivo fomentar a formación dos adestradores que traballan cos deportistas máis pequenos e instruír a xente para que nos clubes haxa os mellores educadores.
Dende a Federación Española de Fútbol quixeron agradecer ó Concello da Guarda todas as facilidades para que este curso puidérase levar a cabo da mellor forma posible. Pola súa banda, o alcalde da Guarda, Antonio Lomba, recoñeceu o éxito da formación e afirmou o interese do alumnado neste tipo de cursos.
O alcalde, Antonio Lomba, xunto co Concelleiro de Deporte, Xavier Crespo, foron os encargados de entregar a cada un dos alumnos, o diploma que os acredita como monitores de fútbol base.
