Comunicado do concello da Guarda pola situación sanitaria por COVID-19

A día de hoxe A Guarda atópase no nivel de alerta tres por coronavirus. No mapa semanal estamos marcados en cor vermello, isto quere dicir que na última semana acumulamos máis de 21 casos. Só entre o venres e o domingo confirmáronse na Guarda 16 positivos.
En relación a esta situación o concello suspendeu, xa dende o sábado, todas as súas actividades culturais. Dende hoxe suspende tamén a actividade de Pilates. Así mesmo recomenda a todas as entidades privadas que suspendan as actividades físicas colectivas.
As actividades académicas non se suspenderán pero recoméndase seguir estritamente os protocolos de prevención de contaxios.
Reforzarase o control da policía local nos parques infantís para garantir as distancias de seguridade e a non formación de grupos.
O concello de acordo, coa dirección do club da terceira idade, deciden o peche preventivo do local do club mentres dure este nivel de alerta.
Dende hai dúas semanas está suspendido o mercado dos sábados e así seguirá mentres manteñamos altos niveis de alerta
Dende o concello pedimos a toda a poboación que extreme as medidas de seguridade individuais, sobre todo o uso de máscara, distancia interpersoal e hixiene de mans. Tamén pedimos que, na medida do posible, se limiten os contactos sociais os próximos días.
A única maneira de controlar estra situación é coa colaboración de todos e cada un de nós