Comunicado en relación ao anuncio da Xunta de Galicia de medidas restritivas na Guarda

O comité clínico de expertos da Xunta de Galicia decide adoptar medidas restritivas no concello da Guarda facéndollo público a través dunha comunicación na prensa o martes día 1 de decembro a noite. Posteriormente a esta comunicación hai unha confirmación verbal do conselleiro de sanidade ao alcalde.

Na comunicación verbal o conselleiro de sanidade indica que as medidas restritivas tómanse por ter unha incidencia acumulada de 37 casos (370 por 100.000 habitantes). A súa vez indíca que estas medidas non entrarán en vigor ata a data que se publique no DOGA, que poden tardar 2 ou 3 días. Comunica tamén ao alcalde que nese mesmo DOGA se definirán exactamente o alcance das medidas restritivas.

O concello difundirá, no momento que se coñezan, as medidas que publique a Xunta no DOGA.

A adopción destas medidas restritivas resulta inesperada para a Guarda dado que, non tiñamos recibido ningunha advertencia de que podían chegar estas restricións. A situación que temos hoxe é a mesma que temos dende fai 10 días en canto ao número de positivos. E Ademais a situación que temos na actualidade é mellor que a que tivemos durante boa parte do mes de novembro no que se alcanzou a cifra de 68 positivos.

Aínda así o que recomendamos a toda a poboación e que extreme as medidas de protección persoal, uso da máscara, mantemento da distancia interpersoal e hixiene de mans. É preciso, polo ben de todos, reverter esta situación o antes posible.