Concerto infantil de “Pitusa Semifusa” o 4 de setembro na Guarda
• Para asistir ao é preciso inscribirse no enderezo electrónico centrocultural@aguarda.es indicando nome, apelidos e teléfono.
A Biblioteca Pública Municipal da Guarda organiza o concerto infantil “Pitusa Semifusa”, de Olga Brañas, enmarcado no programa Ler Conta Moito da Xunta de Galicia coa colaboración do Concello da Guarda.
Pitusa Semifusa é un espectáculo a dúo (voces, piano, pandeireta) moi participativo coa cativada. E quere aprenderlles aos nenos e nenas as familias de instrumentos dun xeito moi divertido. Vén cantar e bailar con Pitusa!
Os libro discos, (“Pitusa Semifusa”, 2014; “Pitusa Semifusa e os estilos musicais”, 2017) publicados ambos dentro da colección Sonárbore da Editorial Galaxia, da autoría de Olga Brañas e coas ilustracións de Leandro Lamas son uns impresionantes proxectos comandados pola pandereteira folk e que ofrecen un mollo de cancións pegadizas e de alta calidade musical.
Ademais, pretende aprenderlles aos nenos e nenas as familias de instrumentos e os estilos musicais dun xeito lúdico e ameno. Para iso, Olga Brañas rodeouse dos músicos e músicas máis importantes do panorama galego, como Uxía, Sérgio Tannus, Ramón Bermejo, Quim Farinha, Anxo Pintos, Sonia Lebedynski, Pedro Pascual ou Santi Cribeiro. É unha proposta para gozar da música dende as idades máis temperás, xa que está inspirado na forma de aprender das cativas e cativos a partir dos 3 anos de idade.
Olga Brañas é Licenciada en Historia da Arte pola Universidade de Santiago de Compostela, ten o Grao Profesional de piano (Conservatorio profesional de Música de Santiago de Compostela) e o Máster en Profesorado de música (USC). É membro de Brañas Folk dende hai case dúas décadas, onde ademais de ser instrumentista é compositora e arranxista. Ademais, leva anos adicándose á ensinanza musical en Escolas Infantís e Escolas de Música, actividade na que se inspirou para facer estes proxectos tan didácticos coma divertidos.
Para asistir ao é preciso inscribirse no enderezo electrónico centrocultural@aguarda.es indicando nome, apelidos e teléfono. O prazo de inscrición estará aberto a partires do xoves 26 de setembro.
