“Contos Contados: A árbore das letras”, este sábado na Biblioteca Municipal
A programación desta actividade se alonga ata o mes de xuño. Haberá un homenaxe a Manuel María, conmemoración o día do libro infantil e a actuación do “Lobo Bobo”
Este sábado, 19 de marzo, celébrase na Biblioteca Municipal da Guarda unha nova edición de Contos Contados. Nesta ocasión, o tema a tratar será a poesía xa que no mes de marzo conmemórase o día deste xénero literario.
Os nenos e nenas que participen nesta actividade, que dará comezo ás 11 horas, poderán, ademais de escoitar verbas de diferentes poemas, participar na montaxe de “A árbore das letras”. Os rapaces pintarán en diferentes formatos letras para conformar un poema que colgarán das ramas dunha árbore.
O resultado deste obradoiro quedará exposto na Biblioteca Municipal para que poida ser visto por todos os usuarios.
Seguintes citas
O Concello da Guarda ten xa programadas as seguintes citas de “Contos Contados”. Así, o 23 de abril, terá lugar a sesión na que se conmemorará o día do libro infantil. Ao igual que en outras ocasións tras a lectura do conto haberá un obradoiro.
A seguinte cita será o sete de maio, nesta ocasión se celebrará unha homenaxe a Manuel María, autor ao que este ano se adica o Día das Letras Galegas, a través do espectáculo “O poeta do Miño”.
A sesión que porá fin a este primeiro ciclo de Contos Contados será a do 11 de xuño. Os nenos e nenas poderán gozar da actuación do “Lobo Bobo” e despedirse desta iniciativa ata o mes de outubro.
O Concello da Guarda anima a todos os nenos e nenas a participar nas diferentes citas e agradece a participación dos veciños e veciñas que os sábados acoden aos “Contos Contados”.
