“Cultivando ideas”: xornada de presentación das conclusións do programa Sementando o teu futuro
O día 19 de novembro as 11 da mañá, terá lugar na Casa dos Alonsos a xornada de presentación das experiencias de mellora persoal e profesional dos e das participantes que asistiron as distintas fases do programa de orientación persoal e asesoramento profesional, que o concello da Guarda desenvolve dende xullo de 2015.
O día 19 de novembro as 11 da mañá, terá lugar na Casa dos Alonsos a xornada de presentación das experiencias de mellora persoal e profesional dos e das participantes que asistiron as distintas fases do programa de orientación persoal e asesoramento profesional, que o concello da Guarda desenvolve dende xullo de 2015.
Esta xornada, que leva o nome de “Cultivando ideas”, será ademais a que marque o final dunha etapa e o comezo doutra, seguindo a liña sempre do desenvolvemento persoal, marca do proxecto pioneiro na Comarca. Proxecto co obxectivo fundamental de empoderar ás persoas para a procura de emprego, mellorar e potenciar as súas capacidades e valores.
Esta será unha xornada lúdica na que se pretende contar coa complicidade do público asistente e convidar así a todo o mundo que teña curiosidade e queira escoitar todo o que este grupo de participantes teñen preparado para a poboación da Guarda.
