I Raid Serra de Groba – Bodegas Marqués de Vizhoja
O pasado luns día 14 de novembro realizouse no Concello de Oia a presentación do I Raid Serra da Groba – Marqués de Vizhoja, que terá lugar os días 25, 26 e 27 de novembro entre A Guarda, Orosal, Oia e Baiona.
O evento arranca na xornada do venres día 25 de novembro en Santa María de Oia e terá a súa clausura o domingo 27 de novembro en Baiona.
Como todos os anos chegarán equipos de diferentes comunidades autónomas, ao ser este Raid un dos que; como comentan os participantes ano tras ano; anotan nas súas axendas en vermello para non perdelo por todo o que se goza e pola súa durísima carreira, que terá una duración de dous días.
Este ano, a diferencia das edicións anteriores, o raid disputarase por terras do Rosal, A Guarda, Oia e Baiona.
Dende a organización se quere agradecer a todas as comunidades de montes polas que se vai a disputar a proba pola súa colaboración e axuda para poder realizar un evento destas características.
O día 25 recibirase aos equipos e farase o briefing explicando en que consiste o Raid e explicaranse todos os protocolos que hai que seguir para o bo desenrolo da carreira, tanto para os corredores como para os organizadores. Este mesmo día xa se poden recoller os dorsais en Santa Maria de Oia de 20.30h a 22.30h.
O sábado 26 e o domingo 27 entregaranse os dorsais da seguinte maneira: sábado na Guarda de 7.30h a 8.15h e o domingo en Santa Maria de Oia de 7.30h a 8.00h.
A presentación do evento contou coa participación de Antonio Lomba, Alcalde da Guarda; Montse Magallanes, Tenente Alcalde da Guarda; Anxela Fernández, Alcaldesa do Rosal, xunto ao seu Tenente Alcalde, Germán Fernández; Cristina Correa como alcaldesa de Oia e o seu concelleiro de deportes, Modesto Pereira e como concelleira de deportes de Baiona, Andrea Pérez; Pedro Alvarez como director de carreira e Diego Fernández como representante de Bodegas Marqués de Vizhoja.
O evento está organizado polo Club Marqués de Vizhoja-Cornelios e conta coa colaboración dos Concellos da Guarda, O Rosal, Oia e Baiona
Inscricións abertas na plataforma de inscricións www.tracktherace.com
