Madeira a disposición dos propietarios das fincas preto da alta tensión

Durante estes meses Unión Fenosa limpou as áreas máis próximas ao tendido de alta tensión da Guarda. Fenosa realiza esta limpeza por seguridade, mais a madeira resultante pertence aos propietarios das fincas nas que se atopa este tendido.

Os propietarios das fincas teñen á súa disposición este recurso, mais por descoñecemento a madeira continúa neses lugares. Ademais, animamos a retirar a madeira para continuar co obxectivo de seguridade polo que se realizou a limpeza, evitando incendios nesas zonas tan sensibles.